Елдегі халық саны былтыр 850 мыңға қысқарып, 1 млрд 411 млн 750 мың адам болды - Мемлекеттік статистикалық бюро.
Жергілікті ақпарат құралдарының хабарлауынша, бұл соңғы 60 жылда болмаған үрдіс. Қытай демографиялық дағдарысты бастан кешіп отыр, деп хабарлайды Almaty-akshamy.kz 24.kz-ке сілтеме жасап.
Оған қоса өмір сүру жасы ұлғайғаннан зейнетке шыққан тұрғындар артып, керісінше, бала туу көрсеткіші төмендеген. Бұған «бір отбасы – бір бала» саясаты да кесірін тигізді.
2021 жылдан бастап мемлекет үш балаға дейін рұқсат берген болатын. Сонымен қатар, балабақша санын арттырып, қалаларда жас отбасылардың баспаналы болуына көмек көрсетіле бастады. Десе де, бұл да айтарлықтай нәтиже бере қойған жоқ. БҰҰ-ның болжамынша, Үндістан 2023 жылы халық саны жағынан Қытайды басып озады.