«Аль-Наср» командасының шабуылшысы Криштиану Роналду Сауд Арабиясының Про-Лигасының жетінші турындағы «Аль-Шабаб» командасына қарсы матчта рекордтық 907-ші голын соқты, деп хабарлайды aqshamnews.kz.
Роналду ресми матчтарда осындай көп гол соққан бірінші футболшы атанды. Ол «Спортинг» командасында бес гол, «Манчестер Юнайтед» үшін 145 гол, «Реал» Мадридте 450 гол, «Ювентус» клубында 101 гол, «Аль-Наср» командасында 73 гол және ұлттық құрамамен 133 гол соқты.
Бүгінгі таңда Роналду футбол тарихындағы ең көп гол соққан ойыншы, сондай-ақ ұлттық командалар, Еуропа чемпионаты, Чемпиондар Лигасы және клубтық чемпионат тарихындағы ең үздік бомбардир болып табылады.
Ойыншының клубпен қазіргі контракты келесі жылдың жазына дейін жарамды. Интернет-портал Transfermarkt-тың мәліметі бойынша, 39 жастағы футболшының нарықтық құны 15 миллион еуроға бағаланып отыр.