«Арықтағың келсе құрамында көмірсу (углевод) бар тағамдарды жеме!»
Осындай кеңес кейінгі кезде көп айтылып жүр. Бірақ, мәселе көмірсуда емес дейді нутрициологтар. Мәселе оның саны мен сапасында, деп хабарлайды aqshamnews.kz.
Маңыздысы:
Қарапайым көмірсулар (қант, тәтті тоқаштар) қандағы қант көлемін жылдам көтереді де тәбетті тез ашады. Міне, сол кезде шамадан тыс тамақ жеу салмақ жинауға апарады.
Күрделі көмірсулар (сұлы ботқасы, қарақұмық, киноа, көкөністер) энергия береді және ұзақ уақыт тоқ сезіндіреді. Олар рационда міндетті түрде болуы керек.
Одан да маңыздысы:
артық калория – көмірсу болсын, ақуыздар мен май өнімдері болсын, денеде май түрінде жиналады. Егер калория сіз жұмсағаннан аз болса, көмірсу бар тағамдарды жесеңіз де арықтайсыз.
Сонымен, көмірсу жау емес дейді нутрициолог.
Ең бастысы – тағам түрлерін дұрыс таңдау және баланс сақтау. Мысалы, таңғы аста сұлы ботқасына жидектер қосыңыз немесе ақ күріштің орнына қоңыр күріш жеңіз.