Бұл жаңалықты хабарлаған Ғани Бейсембаевтың сөзінше, бұл пилоттық жоба еліміздің 20 қаласы мен 7 ауданында сәтті іске асырылған, деп хабарлайды aqshamnews.kz
Биылғы оқу жылында 11800 мектепке дейінгі ұйымында 1 миллионнан астам бала тәрбиеленеді.
– Жыл басынан бастап балабақшаларды ваучерлік қаржыландыру пилоттық жобасы еліміздің 20 қаласы мен 7 ауданында сәтті іске асырылғаны белгілі. Пилоттық кезеңде 461 мың ваучер беріліп, балабақшаға кезектілік 93 мыңға қысқарды. Нәтижесінде жергілікті бюджеттерден 7,7 млрд теңге үнемделді. Қыркүйек айынан бастап биылдың соңына дейін барлық балабақша кезең-кезеңімен толықтай осы ваучерлік қаржыландыру жүйесіне өтеді, – деді Үкімет отырысында еліміздің бас ұстазы.
Қазақстанда мектепке дейінгі ұйымдарда ваучерлік қаржыландыру жүйесі 2024 жылдан бастап кезең-кезеңімен енгізіліп келеді.