Былтыр мектепке дейінгі білім беру мекемелерінің табысы 822,9 млрд тг, жоғары білім беру мекемелерінің табысы 804,4 млрд тг құрады.
ҚР СЖРА ҰСБ деректеріне сүйенсек, біріншісінің көрсеткіші кем дегенде соңғы онжылдықта алғаш рет екіншісінен асып түсті, деп хабарлайды Almaty-akshamy.kz
Дәл он жыл бұрын, 2013 жылы, жоғары оқу орындарының кірістері балабақшалардан екі еседен астам болған еді. 2022 жылға қарай жоғары білім беру секторы мектепке дейінгі білім беруді небәрі 19%-ға асып түсті, ал 2023 жылы сәбилерге арналған ұйымдардың табысы күрт өсіп (+41%), айырмашылық жойылды.
Әсіресе, жергілікті бюджеттен мектепке дейінгі мекемелер алған трансферттер көлемі бір жыл ішінде қатты өсті: 332 млрд теңгеден 592 млрд теңгеге дейін.
Бұл ретте ҰСБ-да балаларға арналған білім беру ұйымдарының саны қалай өзгергені туралы деректер жоқ. Бірақ университеттер азая түсті: 2022 жылдың күзінде, оқу жылының басында, 116 мекеме болса, 2023 жылдың күзінде 112 болғанын айтып отырмыз.