Бұл оқиға 27 шілде күні қаламыздағы №47 балабақшада болған.
Балабақшадағы бейнекамераға ер баланың қызды қайта-қайта ұрып жатқаны түсіп қалған, деп хабарлайды aqshamnews.kz
Кадрлардан баланың қызды 6 минут бойы бетінен ұрғанын көруге болады.
Қыздың анасының айтуынша, қыздың беті, ерні ісіп, көгеріп кеткен. Ауыз қуысында үлкен гематома пайда болыпты. Беттің оң жағы мүлде қозғалмай қалған. Өйткені ісініп, жансызданған.
Оқиға кезінде тәрбиеші әдістемелік іс-шараларға құжаттарды дайындағандықтан бөлмеде болмаған. Күтуші балалар жатқан бөлмеге 30 минуттан кейін келген. Тәрбиеші мен оның көмекшісіне қатаң сөгіс түріндегі тәртіптік жаза қолданылды.
Ал полиция тергеу амалдарын жүргізіп жатыр.