Алматыда қызды қорлаған мопед жүргізушісі ұсталды.
Бұл туралы Ішкі істер министрлігінің баспасөз қызметі мәлімдеді, деп хабарлайды Almaty-akshamy.kz.
24 тамыз күні Наурызбай аудандық ПБ-на 25 жастағы қыз мопед мінген белгісіз ер адамның өзін қорлағанын айтып, арызданды.
Күдікті бірден анықталды. 2001 жылы туған М. есімді азамат ұсталды.
Оның әрекеті ӘҚбтК-нің 434-бабымен тіркелді.
Алматы қаласының мамандандырылған ауданаралық әкімшілік сотының шешімімен құқық бұзушы кінәлі деп танылып, 15 тәулікке әкімшілік қамауға алынды.