Алатау ауданындағы “№1 бөбекжай-балабақшасына” Алматы қалалық Мәслихатының депутаттары — Бегалин Қайрат Талапұлы, Қусаинов Бейбіт Булатович, Бекенова Гүлжан Мырзалықызы және Алматы қалалық Қоғамдық кеңестің мүшесі Гасанов Рафаэль Руфикович арнайы іссапармен келді.
Кездесудің мақсаты — мектепке дейінгі ұйыммен тікелей байланыс орнатып, балабақша ұжымының күнделікті тыныс-тіршілігімен, жұмыс барысымен жан-жақты танысу. Бұл сапар халық қалаулылары мен қоғам өкілдерінің мектепке дейінгі білім беру саласындағы өзекті мәселелерді нақты жерінде көруіне, ата-аналар мен тәрбиешілердің ұсыныс-пікірлерін естуіне мүмкіндік берді.
Балабақша ішінде таныстыру экскурсиясы ұйымдастырылып, тәрбие беру процесі көрсетілді. Сонымен қатар, дөңгелек үстел форматында ашық пікір алмасу болып, мектепке дейінгі мекемелерді дамыту, материалдық-техникалық базаны жақсарту және тәрбиешілердің жағдайын көтеру сынды маңызды мәселелер талқыланды.
Бұл кездесу алдағы уақытта атқарылатын жұмыстардың бағыттарын айқындап, балабақша мен жергілікті билік арасындағы байланысты нығайтудың тағы бір қадамы болды.