Президент тұрмыстық зорлық-зомбылық мәселесін шешуді тапсырды.
«Дағдарыс орталықтары одағының» басқарма төрайымы Зульфия Байсакова Қазақстан Президенті Қасым-Жомарт Тоқаевтың Жолдауында айтылған мәселелер туралы өз пікірін білдірді, деп хабарлайды Almaty-akshamy.kz.
Бүгін ел Президенті Тоқаев мырза өз Жолдауында «Жаңа Қазақстанды» дамытудың бағыт-бағдарын нақты айқындап берді. Қызметі әйелдер мен балалардың құқықтарын гендерлік зорлық-зомбылықтың барлық түрінен қорғауға және Қазақстандағы қылмыс фактісі үшін қылмыстық жазалау нормасын насихаттауға бағытталған Дағдарыс орталықтары одағының басқарма төрайымы ретінде отбасы-тұрмыстық қатынастар саласы және агрессорлармен жұмыстың міндетті психо-әлеуметтік түзету бағдарламасын ұйымдастырышы ретінде маған Мемлекет басшысының саяси реформалар жарияланғаннан кейін бірден тұрмыстық зорлық-зомбылық үшін жазаны күшейту туралы тапсырма бергені ұнады.
«Бүгінгі күні азаматтар мен қоғам белсенділері әйелдер мен балаларға қатысты зорлық-зомбылық үшін жазаны қатайту қажеттігі туралы жиі айта бастады. Бас прокуратураға бұл мәселені жан-жақты зерттеп, мәселені шешуді тапсырамын».
Қазақстан тәуелсіздік алғаннан бері әйелдерді зорлық-зомбылықтан қорғау саласында бірқатар реформаларға қол жеткізілгенін атап өткім келеді: 2009 жылы «Тұрмыстық зорлық-зомбылық профилактикасы туралы» Қазақстан Республикасының Заңы қабылданды; 2016 жылы әзірленген Тұрмыстық зорлық-зомбылық құрбандарына арнаулы әлеуметтік қызмет көрсету стандарттары; зорлық-зомбылық құрбандарын әлеуметтендіру және оңалту үшін дамыған инфрақұрылым (35-тен астам дағдарыс орталықтары, оның ішінде 12 баспана); Әрбір ауданда әйелдерді зорлық-зомбылықтан қорғау жөніндегі полиция инспекторы бар. Бірақ, соған қарамастан, қылмыстың бұл түрі үшін жазаны қатайтып, агрессорлардың өз мінез-құлқы үшін жауапкершілігін қалыптастыру қажет.
Қасым-Жомарт Тоқаев айтқандай: «Мені, ең алдымен, халықтың болашағы қандай болатыны алаңдатады».
«Мемлекет басшысының тапсырмасы тұрмыстық зорлық-зомбылық мәселесін шешуге ықпал ететініне сенімдімін», - деп жазды Зульфия Байсакова.