Алматыда жалпыхалықтық референдумға М.Әуезов атындағы Әдебиет және өнер институтының директоры Кенжехан Матыжанов қатысты, – деп хабарлайды aqshamnews.kz тілшісі.
Ол Медеу ауданында орналасқан №17 мектеп-интернаты ғимаратындағы №387 референдум учаскесінде дауыс берді. Таңертеңнен бастап мұнда аудан тұрғындары келіп, азаматтық ұстанымын білдіріп жатыр.
Кенжехан Матыжановтың айтуынша, референдумға қатысу — әр азамат үшін ел тағдырына ортақтасудың маңызды мүмкіндігі.
«Ел тарихы ірі оқиғалардан ғана емес, әр адамның жеке таңдауынан да қалыптасады. Біз референдумға келген кезде болашақ ұрпақ алдындағы жауапкершілігімізді көрсетеміз», — деді ол.