Колумбия әлемде бірінші болып «зиянды тағамдар» туралы заң қабылдады.
Мұндай өнім өндірушілерге салық салмақшы. Денсаулыққа қауіпті азық-түлік қатарына чипс, шоколад, тұзы көп өнімдер жатқызылған, деп хабарлайды Almaty-akshamy.kz 24.kz-ке сілтеме жасап.
Үкімет заңның халық денсаулығын жақсарту үшін қабылданғанын айтады. Оған сарапшылар мен белсенділер қолдау білдірген. Бірақ кей мамандар құжат елдегі инфляция және кедейшілікпен күресуге кедергі келтіреді дейді. Ал салық біртіндеп енгізілмек. Оның көлемі биыл 10, келесі жылы 15 процент болмақ. Бұған дейін Перу мен Эквадор да қанты мен майы көп азық-түлікке айрықша белгілер салу туралы шешім қабылдаған еді.