Биыл инфляция да рекорд орнатты.
ҚР Премьер-Министрінің орынбасары Алтай Көлгінов зейнетақы мен жәрдемақыны индекстеу жөніндегі сұраққа жауап берді, деп хабарлайды Almaty-akshamy.kz
Алтай Көлгінов өткен жылы зейнетақының индекстелгенін еске салды. Ол бұл шаралар халықтың табысын арттыруға бағытталғанын атап өтті.
«Зейнетақы өсті. Биыл инфляция да рекорд орнатты. Мұны ешкім жасырмайды. Сондықтан алдағы уақытта индекстеу де жүргізіледі. Биылға шешім қабылданып қойды», - деді ол.
Бұл ретте ол елімізде әлеуметтік жәрдемақылармен қатар дәрігерлердің, медицина қызметкерлері мен мұғалімдердің жалақысы көтерілгенін тілге тиек етті.
«Жалпы, барлық салада жалақы өсіп жатыр. Оның ішінде жеке компаниялар да бар. Кәсіподақтар, жұмыс берушілер және жергілікті атқарушы органдар арасында үш жақты келісімдер бар. Бұл жұмыстар тұрақты түрде жүргізіледі», - деді Алтай Көлгінов.