Басылым 90-жылдардың соңында құрылды.
Бүгін Zakon.kz ақпараттық агенттігі ширек ғасырлық мерейтойын атап өтеді, деп хабарлайды aqshamnews.kz
Бүгінде Zakon.kz-те еліміздің барлық өңірлерінен, сондай-ақ, алыс-жақын шет елдерден өз ісінің майталмандары қызмет етеді.
Zakon.kz - оқырман күнделікті жаңалықтармен танысатын басылым ғана емес. Басылым саясат пен қаржының басты жаңалықтарымен бөліседі, сарапшылар пікірлерін ұсынады, спорт пен мәдениеттегі жетістіктерді де қалыс қалдырмайды. Халықтың көкейіндегі сұрақтарға жауап беру үшін авторлық материалдар да үнемі дайындалады.
Zakon.kz сайтына ай сайын 10 миллионнан астам тұрақты оқырман кіреді;
Ай сайын материалдар 25 миллионнан астам қаралым жинайды;
Әлеуметтік желіде 1 миллионнан астам жазылушы бар;
25 жыл ішінде сайтта 500 мыңнан астам материал жарияланды.
Соңғы бес жылда Zakon.kz екі рет "жылдың үздік жаңалықтар порталы" ретінде ұлттық URKER сыйлығын жеңіп алды.
Alatau Aqparat медиахолдингі әріптестерін мерейтойымен құттықтап, толағай табыс тілейді.