Биылғы жыл ерекше ыстық болып тұр. Аптапта көз шырымын алудың өзі қиынға соғады. Тіпті, ұйықтай алмай әуреге салынатыныңызда белгілі. Ендеше, осындай ыстықта салқындатқыш болмаған жағдайда қалай ұйқы қандыруға болады? Мамандар бірнеше ұсыныстармен бөліседі, деп хабарлайды аlmaty-akshamy.kz.
Бірінші және ең оңай әдіс, егер кондиционер болмаса, терезелерді ашып, жан-жақтан соғатын жел тиетін жерді таңдау керек. Онан кейін суды көп ішу ұсынылады. Ұйықтар алдында суық душ қабылдауға болмайды. Бұл керісінше ұйқыңызды ашып, дене температурасының жоғарылауын тудырады.
Ыстықта көңіл-күйіңізді көтеру үшін кез келген орамалды суық сумен дымқылдап, оны мойыныңызды, маңдайыңызды немесе денеңізді сүртіңіз.
Ыстықпен күресудің басқа жолдары бар: жұқа мақта шұлықтарын алып, кез келген пакетке орап, мұздатқышқа салып қойыңыз. Төсекке жатыр алдында оны киіп алсаңыз, жаныңыз жай табары сөзсіз. Тағы да бір ел білетін әдістің бірі - төсек жабынын суық суға батыру. Содан кейін оларды мұқият сығып, төсекке жайып қоясызда жатасыз.
Сонымен қатар, ұйықтайтын бөлмелеріңіздің де орналасуы маңызды – бірінші қабатта немесе еденде ұйықтаған оңтайлы. Төмендегі ауа жоғарыдан сәл салқын. Ескеретін тағы бір жайт, түнде майлы және ауыр тағамдарды жеуге болмайды. Ақуыздың көп мөлшері метаболизм жылдамдығын арттырады, бұл сіздің денеңіздің қызуына алып келеді.