Медаль Қазақстанның әлеуметтік-экономикалық дамуына қосқан үлесі үшін берілген
Қазақстандық вайнерлер Мейіржан Төребаев пен Дана Есеева «Қазақстан Республикасының Тәуелсіздігіне 30 жыл» мерекелік медалімен марапатталды, деп хабарлайды Almaty-akshamy.kz aikyn.kz-ке сілтеме жасап.
Марапаты жайлы вайнерлер Instagram парақшасында жазды.
Мейіржан Төребаевтың сөзінше, медаль Қазақстанның әлеуметтік-экономикалық дамуына қосқан үлесі үшін берілген.
«Кеше әкімдіктен Қазақстанның әлеуметтік-экономикалық дамуы үшін берілген сыйлығымды алдым. Ештен кеш жақсы. Мойындағаныңыз үшін рахмет», – деп жазды Мейіржан Төребаев.
Әлеуметтік желідегілердің көбі оларды құттықтады. Кейбірі вайнерлердің мемлекеттік марапатқа лайық емес екенін жазып жатыр.
«Одан да сол медальді мұғалімдерге бер қажет еді. Себебі олардың қызметі ұлт үшін маңызды. Оның үстіне ұстаздардың мемлекетке пайдасы да көп», – деп жазды бір оқырман.
«25 жыл ұстаздық етіп келемін, балаларды білімге баулимын. Бірақ мемлекет бір де бір марапат берген емес», – деп жазған Бота есімді қолданушы.