Құрылыс істері және ТКШ комитетінде Қазақстандағы ұзақ созылған құрылыс мәселелері талқыланды, деп хабарлайды Almaty-akshamy.kz Inform.kz-ке сілтеме жасап.
«Ашық сағат алаңы» жобасы аясында ҚР ИИДМ вице-министрі Еркебұлан Дауылбаевтың төрағалығымен құрылыс және ТКШ істері комитеті Қазақстандағы ұзақмерзімді құрылыс объектілері мәселелері бойынша бизнес-қоғамдастық өкілдерімен онлайн-кездесу өткізді.
Кеңес барысында вице-министр әлеуметтік және инженерлік-коммуникациялық инфрақұрылым құрылысы саласындағы бюджеттік жобаларды іске асыруды талдау нәтижелері бойынша ұзақ құрылыстың негізгі себебі уақытылы қаржыландырудың жетіспеуі және болмауы болып табылатынын атап өтті.
Жоспарлау жүйесін қайта қарау және құрылыс жобаларын іске асыру мақсатында бірқатар жүйелі шаралар қабылданып жатыр.
Осылайша министрлік болжамды деңгейде сметалық құнның дұрыс есептелуін айқындау үшін сметалық құнның негізсіз артуына жол бермеуге мүмкіндік беретін құрылыс үшін құн индекстерін бекітті.
Сонымен қатар, ведомство Қаржы министрлігіне бірқатар түзетулер ұсынды, атап айтқанда:
- конкурстар жарияланғанға дейін жобаларды қаржыландыру қамтамасыз етілген кезде құрылыстың нормативтік ұзақтығымен ЖСҚ-да көзделген мерзімдер мен сомада конкурс өткізу
- қаржыландырумен қамтамасыз етілмеген іске аспаған жобалар болған кезде құрылыстың жаңа жобаларын іске асыруға өтінім қарауға тыйым салуды белгілеу
- Мемлекеттік сатып алу порталында конкурс жариялауға тыйым салуды белгілеу.
Бүгінгі таңда министрлік «сақалды» құрылыстың 154 жобасын ерекше бақылауға алды, оның 59 - инфрақұрылымдық объекті, 55 - әлеуметтік объекті, 40 - ғимараттар мен құрылыстар.
Сонымен қатар, кеңеске қатысушылар ұзақ құрылыстың әрбір объектісі бойынша құрылыстың негізгі кезеңдерін көрсете отырып, аяқтау және пайдалануға беру үшін жол картасы бекітілгенін атап өтті.