2035 жылы мұндай көліктердің нарығы 25 млрд долларға жетеді
Ұшатын көліктер бізге қазір ғылыми фантастика сияқты көрінуі мүмкін. Алайда олардың өмірге келуіне аз уақыт қалды, деп хабарлайды Almaty-akshamy.kz.
Еuronews.com сайтының мәліметінше, бүгінгі таңда адамдар мен жүктерді таситын өздігінен ұшатын аппараттарды жасауға қомақты қаржы бөлініп жатыр. Бұл дегеніңіз ұшатын көліктердің көп ұзамай өмірге келетінін білдіреді.
Қазір адамдар көп уақытын көлік кептелісінде өткізеді, тығыз шаруамен жүргендер дер кезінде діттеген жеріне жете алмай қапа болып жатады. Сондықтан көпшілікті автомобилден гөрі әуеде ұшатын көліктің іске қосылғаны қызықтырады. Мамандардың болжамы бойынша, 2035 жылы мұндай көліктердің нарығы 25 млрд долларға жетеді. Сол себепті инвесторлар ұшатын көліктердің жобасына қаражат құйып жатыр екен.
Ұшатын көліктердің бірі - тігінен ұшып, қонатын eV-TOL аппараты. Ол ауаға зиянды көмірқышқылды таратпас үшін электр қозғалтқышымен жабдықталған.
Қазір 20 жолаушыға дейін тасымалдай алатын аппаратты шығарумен әлем бойынша 50-ден астам кәсіпорын айналысып жатыр. Соның бірі түркиялық AirCar стартапы. Ыстамбұлдық жоба 2017 жылдан бері қаладағы көлік кептелісі мен ауаны ластау мәселесін шешуге тырысып жатыр. AirCar басты мақсаты – электр қозғалтқышымен жабдықталған ұшқышсыз әуе таксиі паркін құру.
Шағын көліктерді мыңдаған сынақтан өткізгеннен кейін биылдан басап толық көлемді аппаратты сынақтан өткізуді басталған. Компанияның негізін қалаушы Ерая Алтынбозардың айтуынша, әуе таксиі арқылы жолаушыларды тасымалдау 2025 жылы іске қосылады. Алайда, ол үшін бірнеше кедергіні еңсеру қажет.
Мұндай кедергінің бірі – табыс табу. Берлин техникалық университетінің профессоры Андреас Барденхагенның пайымдауынша, ұшатын көлікке қарағанда әдеттегі пойыз Берлин орталығынан әуежайға дейін адамдарды анағұрлым көп жеткізеді. Егер ұшатын көлік арқылы жүздеген адамды тасымалдау басталса әуе кеңістігіндегі жүктеме шамандан тыс артады. Бұл қала тұрғындарына ұнай қоймауы мүмкін. Сондықтан ұшатын такси қызметіне қалталы адамдардың бір бөлігі ғана жүгінуі мүмкін.