Оқиға Spirit Airlines авиакомпаниясының NK951 рейсі Гаити астанасы Порт-о-Пренс қаласындағы Туссен-Лувертюр халықаралық әуежайына қону кезінде орын алған. Airbus A320neo ұшағы қонуға жақындап қалғанда, әуе кемесіне бағытталған оқ ұшақтың алдыңғы бөлігіндегі қаптаманы тесіп өтіп, кабина мен жоғарғы жүк бөлігіне зақым келген, деп хабарлайды aqshamnews.kz.
Осы сәттен кейін ұшақ қайта көкке көтеріліп, Доминикан Республикасының Сантьяго қаласындағы қосымша әуежайға қонды.
Атқылау нәтижесінде бір бортсерік жеңіл жарақат алып, медициналық қызметкерлердің бақылауына алынды. Жолаушылардың арасында зардап шеккендер туралы ақпарат жоқ. Ұшақ пайдаланудан шығарылды, ал барлық жолаушылар мен экипаж мүшелері басқа ұшақпен отырғызылды.
Оқиға салдарынан Порт-о-Пренс әуежайына бағытталған барлық рейстер тоқталған.
Spirit Airlines компаниясы оқиға бойынша ресми мәлімдеме жасады. Онда рейс Форт-Лодердейлден (Флорида) Порт-о-Пренс қаласына бағыт алған кезде, ұшақтың Сантьяго (Доминикан Республикасы) әуежайына қайта бағытталғаны, тексеру кезінде ұшақтың зақымданғаны, және бұл зақымдардың атқылаудан болғаны мүмкін екені айтылды. Компания, сондай-ақ, бортсеріктің жеңіл жарақат алғанын және қазіргі таңда медициналық бақылауда екенін хабарлады.
Пассажирлердің ешқайсысы жарақат алған жоқ. Ұшақты пайдалану тоқтатылып, жолаушылар мен экипаж басқа ұшақпен жеткізілетін болады. Spirit Airlines компаниясы қауіпсіздікке баса назар аударып, Порт-о-Пренс және Кап-Аитьен әуежайларына қызмет көрсетуді уақытша тоқтатты.