Уақытша шектеу көліктің барлық түріне енгізілді.
Қазақстанда қолайсыз ауа райына байланысты республикалық тас жолдардың үш бөлігінде көлік қозғалысы уақытша шектелді, деп хабарлайды Аlmaty-akshamy.kz «ҚазАвтоЖол» ұлттық операторына сілтеме жасап.
Жамбыл облысында "Екатеринбург-Алматы" тасжолының Сарышаған ауылынан Бурылбайтал ауылына дейінгі аралығында көліктің барлық түрі үшін қозғалысқа шектеу енгізілді.
Жетісу облысында "Үшарал-Достық" тасжолының Көктұма бекетінен Достық бекетіне дейінгі аралығында көліктің барлық түрі үшін қозғалысқа шектеу енгізілді.
Батыс Қазақстан облысында "Атырау-Орал" тасжолының Атырау облысының шекарасынан Чапаев ауылына дейінгі аралығында жүк және қоғамдық көлік түрлері үшін қозғалысқа шектеу енгізілді.