Бала орталық аудандық ауруханада көз жұмды.
Қазақстан мұсылмандары діни басқармасы көлікті ауылдық мешіт имамының жүргізгенін растады, деп хабарлайды aqshamnews.kz
Абай облысы Үржар ауданында жергілікті мешіттің 44 жастағы имамы 11 жастағы баланы көлікпен қағып кеткен.
Қайғылы оқиға 14 қазан күні сағат 11:40-та Үржар ауылындағы Гагарин көшесінде болған. Toyota Rav-4 көлігін тізгіндегені имам 11 жасар баланы қағып кеткен.
"Жол апаты салдарынан кәмелетке толмаған жаяу жүргінші Үржар аудандық орталық аудандық ауруханасында көз жұмды. Осы фактіге байланысты абайсызда адам өліміне әкеп соққан жол қозғалысы ережелерін бұзу фактісі бойынша сотқа дейінгі тергеу басталды", - делінген полиция таратқан ақпаратта.