Ақтөбеде Халықаралық көлік-гуманитарлық университеті өкілдігінің жетекші маманы алаяқтықпен ұсталды, - деп хабарлайды aqshamnews.kz "Диапазонға" сілтеме жасап.
Белгілі болғандай, әйел студент атанғысы келгендерден оқуға ақша алып, өз қалауы бойынша жұмсаған. 47 жастағы айыпталушының қылмыстық ісінде 25 эпизод бар. Ол өзін оқу орнында әдіскер ретінде таныстырып, қабылдау жарнасын оның жеке банк шотына аударуға немесе қолма-қол беруге болатынын айтқандығы туралы сотта белгілі болды.
«Сонымен, жәбірленушілердің бірі оған бір жарым миллион теңгеге жуық ақша төлеген, бірақ кейін оның университет студенті ретінде тіркелмегені белгілі болды. Дәл осындай әйелдің құйтырқы әрекетіне алданып қалған өзге де адамдар 100 мыңнан бір жарым миллионға дейінгі қаржынын аударған. Бір жарым миллион ақшаны аударғандар бірнеше жылдың оқу ақысын төлеп жатырмыз деп ойлаған. Алайда аз уақыттан соң бұл ақшалар университет шотына түспегенін біледі», - деп жазады басылым.
Алаяқтық жасады деп айыпталушы өз кінәсін мойындамады. Ол университеттің Ақтөбе филиалын күйеуі басқаратынын, оның барлық аударымдардан хабардар болғанын, ал зардап шеккендерден түскен ақшаны күйеуі мен оның ата-анасы өз қажеттіліктері үшін жұмсағанын, оның өзі бұл қаражатқа рұқсаты болмағанын айтқан.
«Сотта сотталушының күйеуінен де жауап алынды. Ол әйелінің студенттерден ақша алғаны туралы ештеңе білмейтінін және қарыз туралы университеттің бас кеңсесінен қоңырау шалғаннан кейін білгенін айтты», - делінген материалда.
Нәтижесінде сот әйелді алаяқтық жасағаны үшін кінәлі деп танып, ақшаны жәбірленушілерге қайтаруды міндеттеді және 3 жылға бас бостандығынан айырды. Кейін облыстық соттың қылмыстық алқасы сотталушыға бас бостандығынан айыру жазасын шартты түрде 3 жылға пробациялық бақылау белгілеу бас бостандығын шектеу жазасына өзгертті. Іс апелляциялық тәртіпте қаралған кезде сотталушы өкініп, барлық жәбірленушілерге келтірілген зиянды өтеуіне байланысты жаза жеңілдетілді.
Сот қаулысы заңды күшіне енді.