Алдағы күндері де су тасқыны жүруі мүмкін.
Үндістанның солтүстік-шығыс бөлігінде су тасқыны жүріп, оның салдарынан зардап шеккендердің саны кем дегенде 4 228 100 адамға жетті, деп хабарлайды Almaty-akshamy.kz Inbusiness.kz сілтеме жасап.
CNN арнасының мәліметі бойынша, зардап шеккендердің барлығы – апат аймағында өмір сүріп жатқан жергілікті тұрғындар.
Ресми дерек бойынша, 62 адам қаза тапты. Мал жайылатын өрістер судың астында қалып, көлік қатынасы тоқтап қалды. Қазір табиғи апаттарға қарсы күштер мен жергілікті әскерилер су тасқыны жүріп жатқан аймақтарда іздестіру-құтқару жұмыстарын жүргізіп жатыр.
Апаттан зардап шеккен елді мекендердің әкімшіліктері тұрғындарға үйден шықпауды ұсынды. Алдағы күндері де су тасқыны жүруі мүмкін. Мамандар жауын-шашын болады деп топшылап отыр.