Қазақстан Республикасының Оқу-ағарту министрлігі мұғалім мамандығының мәртебесін көтеру және шығармашылық белсенділігін арттыру мақсатында кәсіби қызметінде жоғары жетістіктерге қол жеткізіп жүрген педагогтардың қатысуымен жыл сайын «Үздік педагог» республикалық байқауын өткізіп келеді.
Биылғы жылы Алмалы ауданы білім беру ұйымдарының арасында республикалық «Үздік педагог» байқауына қатысып бағын сынамаққа ниет еткен үміткерлер қатары қалың болды. Байқауға біздің ауданнан 17 үміткер қатысты. Аудандық кезеңде 100 балдың 80 пайызынан жоғары ұпай жинаған Б.Атыханұлы атындағы №36 гимназияның орыс тілі пәнінің мұғалімі Салтанат Төлебаева, №24 лицейдің математика пәнінің мұғалімі Бақытжамал Лаханова, №147 гимназияның көркем еңбек пәнінің мұғалімі Гүлназ Токабаева қалалық кезеңге жолдама алып отыр. Жеңімпаздарды Алмалы ауданы білім бөлімінің басшысы Зоя Қойшыбаева дипломдармен марапаттап, Алмалы аудандық «Ұстаз» кәсіподағының төрайымы Раушан Оразалиева бағалы сыйлықтарды табыс етті. Қалалық кезеңге өткен ұстаздарымыз биік белестерді бағындырады деген сенімдеміз.
Роза МӘКЕЖАНОВА,
№147 гимназия директоры