2025 жылы Ұлттық қордан үш триллионнан астам теңге алынады
Қазақстанның ұлттық экономика министрі Тимур Байбазаров 2025–2029 жылдарға арналған елдің әлеуметтік-экономикалық даму болжамын және 2025–2027 жылдарға арналған "Қазақстан Республикасының Ұлттық қорынан кепілдендірілген трансферт туралы" заң жобасын таныстырды, деп хабарлайды aqshamnews.kz
Болжам бойынша, республикалық бюджеттің кірістері 2025 жылы 15,6 трлн теңгені немесе ЖІӨ-нің 10,4%-ын құрайды, 2026 жылы — 16,7 трлн теңге (ЖІӨ-нің 9,9%-ы), 2027 жылы — 18,2 трлн теңге (ЖІӨ-нің 9,6%-ы) деңгейінде болжануда.
«2025 жылы көлемі 3250 млрд теңгені құрайтын мақсатты трансферт әлеуметтік маңызы бар және стратегиялық маңызды инфрақұрылымдық жобаларды қаржыландыруға, сондай-ақ өңірлік өсімді қолдауға бағытталады», — деді Байбазаров.