Бұл туралы Қазақстан Әділет министрі Азамат Есқараев мәлімдеді.
"Ұлттық қор – балаларға" жобасы аясында әр балаға шамамен 1,5 миллион теңге төленетін болады, деп хабарлайды Almaty-akshamy.kz
Ол балалардың 18 жасқа толғаннан кейін төлем ала алатынын еске салды. Барлық жаңа туған балалар мен 18 жасқа толмағандар туралы мәліметтер базасы Әділет министрлігінде сақталады.
"Жалпы 18 жасқа дейін Ұлттық қордан әр балаға бір жарым миллион теңге төленетін болады. Менің ойымша, бұл президенттің үлкен қадамы, бұл көптеген отбасылар үшін үлкен қолдау", - деді ол.
Еске салайық, Парламент Мәжілісінің депутаттары "Қазақстан Республикасының кейбір заңнамалық актілеріне Қазақстан Республикасының Ұлттық қорынан балаларға төлемдер мәселелері бойынша өзгерістер мен толықтырулар енгізу туралы" заң жобасын жұмысқа қабылдағаны хабарланған болатын.
"Бұл заң жобасы 2024 жылдың 1 қаңтарынан бастап Мемлекет басшысының "Ұлттық қор – балаларға" жобасын іске қосу мақсатында әзірленді. Ұлттық қордың жыл сайынғы инвестициялық табысының 50% - ы балалардың арнайы жинақтау шоттарында тұрады. Заң жобасының негізгі мақсаты - Қазақстан Республикасының азаматтарының кәмелетке толған кезде дейін тұрғын үй жағдайын жақсарту немесе жинақ есебінен білім алу мүмкіндігін тудыру арқылы жас ұрпақты қолдау", - деп түсіндірді депутат Мәди Тақиев Мәжілістің жалпы отырысында.
Сонымен қатар, оның айтуынша, мемлекетке қайтарылған активтерді жинақтау және басқару мәселелері бойынша арнайы мемлекеттік қор мен Басқарушы компания құрылатын болады.