“Ұлттық қор – балаларға” жобасына тағы бір банк қосылды

Бұл банк арқылы оқуға ақша төлеуге арналған нысаналы жинақ төлемдері алынады.

“Ұлттық қор – балаларға” бағдарламасын жүзеге асыруға тағы бір уәкілетті оператор қатысатын болды, деп хабарлайды Almaty-akshamy.kz

Енді Отбасы банкі, Тұрғын үй құрылыс жинақ банкінен басқа Бірыңғай жинақтаушы зейнетақы қорымен келісімшарт жасаған Қазақстан Халық банкіне жүгінуге болады. Бұл банк арқылы оқуға ақша төлеуге арналған нысаналы жинақ төлемдері алынады.

Ал тұрғын үй жағдайын жақсарту мақсатындағы төлемдерді алу үшін “Отбасы Банкі”, “Тұрғын үй құрылыс жинақ банкі” АҚ уәкілетті оператор болып қала береді.