Түркістанда өткен Ұлттық құрылтайда Президент жастардың өздеріне үлкен қауіп төндіріп жатқанын айтты, деп хабарлайды Almaty-akshamy.kz.
Өйткені, вейптер зиянды және одан кейін есірткіге бет бұру қатері жоғары, дейді Мемлекет басшысы,
«Ұлттың денсаулығына қауіп төндіретін тағы бір қатер – бұл вейптер және электронды темекінің әртүрлі нұсқалары. Өкінішке қарай, оларды қолдану жасөспірімдер арасында сәнге айналды. Бұған олардың кең қолжетімділігі және олардың зиянсыздығы туралы агрессивті жарнамалар ықпал етеді. Ал шын мәнінде, жастар өздеріне үлкен қауіп төндіреді. Өйткені, вейптер зиянды және одан есірткіге бет бұру қатері жоғары. Осы қауіпті құбылыспен күресу үшін жүйелі әрі шұғыл шаралар қабылдау қажет», - деп тапсырма жүктеді Қасым-Жомарт Тоқаев.