Қазақстандықтардың көбі АЭС туралы ақпаратқа дейін еліміздің картасында мұндай ауылдың барын да білмеген.
АЭС салуға дәл осы ауылдың таңдалуы да кездейсоқтық емес. Өткен ғасырдың 1973 жылы мамандар бірігіп зерттеу жасағаннан кейін осы ұйғарымға келген.
«Alatau Aqparat» медиахолдингіне сұқбат берген атом өндірісі саласының маманы, өнеркәсіптік тұжырымдаманы әзірлеуші Ермек Қожамсүгіровтің айтуынша, «Үлкен» ауылының «Балқаш» көліне жақын орналасқандығы да таңдауға себеп болған.
«Үлкен» ауылы алдағы 2-3 жылда кәдімгі қалаға айналып шыға келеді, себебі ол жерде темір жол, әуежай, мектептер мен ауруханалар және қосалқы құрылыстар салынып, инфрақұрылымы дамиды. Бір ғана «Үлкен» ауылында АЭС-те 3 мың адам жұмыс істейтін болса, еліміз бойынша бұл станцияның құрылымын қамтамасыз ететін 30-35 мың маман тартылады. Қазір АЭС-тің құрылысын салумен 20 мың қазақстандық айналысып жатса, станция ашылғаннан кейін мамандар саны 40 мыңға жететін болады. Сондықтан біз ауыл деп атап жүргенмен, бұл қала деуге әбден лайықты мекен», деді Ермек Қожамсүгіров.