Алматыда Үлкен Алматы өзенінің арнасын қайта жаңарту жұмыстары жалғасып жатыр, деп хабарлайды aqshamnews.kz
Жоба аясында жағалаулар абаттандырылып, көпірлер жөнделеді. Сондай-ақ, өзен бойына ағаштар отырғызылып, автоматты суару жүйесі орнатылады.
Ұзындығы 5,7 шақырым болатын аумақта – №1 тұндырғыштан бастап Абай даңғылына дейін - бүгінде жұмыстың 40%-дан астамы аяқталды.
Қайта жаңарту аясында ескі тақталар алынып, орнына гидрооқшаулауы бар жаңа тақталар төселіп жатыр. Жиектастар жаңартылып, жүргіншілер жолдары жасалып отыр. Көпірлерге де жөндеу жүргізіліп, тазартылып, грунтталып, сырлануда.
Автосуару жүйесіне арналған сорғы стансасын орнату, келесі көктемде жаппай ағаш егу жоспарланып отыр. Сондай-ақ, қажет болған жағдайда қосымша түсу және көтерілу жолдары қарастырылады.
Мердігерлердің айтуынша, жұмыс кестеге сәйкес жүргізіліп жатыр. Жоба 2026 жылы аяқталмақ.