Шығыс Қазақстан облысында тұрғын үй кешенінің құрылысында үлескерлік негізінде инвестиция салған 102 адамның 1,8 миллиард теңгесі ұрланды. Екі топ-менеджер тұрғын үй кешенін салуға жалған келісімшарттар жасасып, азаматтардың қаржысын заңсыз иемденген, деп хабарлайды aqshamnews.kz
Жобаның құрылыс мерзімі үнемі ұзартылып, ақырында нысан құрылысы аяқсыз қалған. Тергеу барысында құрылыс компаниясының үлескерлердің қаржысын тартуға қажетті рұқсат құжаттарының болмағаны анықталды.
Сот санкциясымен күдіктілер қамауға алынып, тергеу изоляторына жіберілді. Қаржылық бақылау агенттігінің ШҚО бойынша департаментінің мәліметінше, жәбірленушілердің шығындарын өтеу және мүлікті тәркілеуді қамтамасыз ету үшін күдіктілердің 2,3 миллиард теңге тұратын мүлкі тәркіленді.
Істің басқа мәліметтері Қазақстан Республикасы Қылмыстық-процестік кодексінің 201-бабына сәйкес жарияланбай отыр.