ҚР ІІМ Ұлттық ұланның «Оңтүстік» өңірлік қолбасшылығына қарасты 3650 әскери бөлімі Алматы қаласы орталықтаңдырылған кітапханалар жүйесімен бірлесіп ұлы ағартушы, қазақ әліпбиінің негізін қалаушы Ахмет Байтұрсынұлының құрметіне арналған «Ұлтын ұлықтаған ұлы тұлға» атты танымдық сағат өткізді.
Аталған іс-шара Ахмет Байтұрсынұлының 152 жылдығына орай ұйымдастырылған «Тілге құрмет – елге құрмет!» акциясы аясында ұйымдастырылды.
№ 26 кітапхана бөлімшесінің кітапханашысы Светлана Владимировна сарбаздарға ақынның өмірі мен шығармашылығы, ғылыми еңбектері жайында мәлімет берді. Ал қатардағы жауынгерлер Т.Қалмұханбет, Ы.Қасымжан, Д.Әуелхан ақынның өлеңдерінен үзінділер оқып, қанатты сөздерін айтты. Сонымен қатар акция аясында сарбаздар Ахмет Байтұрсынұлының музей-үйіне барып дәріс тыңдады. Сарбаздар алдымен Ахмет Байтұрсынұлының саябағына соғып, ғалымның еңселі ескерткішіне тағзым етті.
Музей-үйдің бөлім меңгерушісі Әділет Ахметұлы мен Манатжан Аширов сарбаздарға тарихи тұлғаның жәдігерлерін таныстырды. Өз кезегінде жас сарбаздар рухани мол азық алды.