ҚР Премьер-Министрі Алматыдағы Hyundai Trans Almaty зауытында болды.
Әлихан Смайылов мектеп көлігінің сенімділігі мен қауіпсіздігін өзі тексерді, деп хабарлайды Almaty-akshamy.kz
Алматы әкімінің орынбасары Әсем Нүсіпова Үкімет басшысына биыл 7700 балаға арналған "Мектеп автобусы" пилот жобасы іске қосылғанын айтты.
Автобус бағыттары мүмкіндігінше көп оқушыны мектепке дейін тасымалдау үшін жасалған.
"Балаларды түсіру және келу-кету уақытын көрсететін арнайы аялдамалар бар. Аялдамаларда бейнебақылау камералары орнатылған. Әр бағытта тұратын мұғалімдер жолсерік ретінде балаларды демеп жібереді", - деді Әсем Нүсіпова.
- Қалалық ұтқырлық басқармасы 30 мектеп автобусын наурыз айында, ал қалған 70 автобусты мамыр айында жеткізуді жоспарлап отыр, - деді ол. Бұл мақсаттарға барлығы 5,2 млрд теңге бөлінді.
Hyundai Trans Almaty директоры Әділбек Гаев автобустар күшейтілген қауіпсіздік жүйесі бар техникалық регламенттердің барлық стандартына сәйкес келетінін, соның арқасында көлік 60 км/сағ жылдамдықпен жүрмейтінін айтты.
Айта кету керек, зауыт 2011 жылдан бері автобус, реанимобиль, борттық жүк көлігі, изотермиялық және дайын тауар фургоны, рефрижератор, өрт сөндіру машинасы, қоқыс таситын, су таситын көліктер, эвакуаторлар және басқа да жолаушы, жүк, шағын, орта көліктерге арналған арнайы техникалар шығарады.
Зауыт 2022 жылдың желтоқсан айынан бастап мектеп автобустарын құрастыра бастады. Бүгінде сегізге жуық Golden Dragon автобусы шығарылды.