Қала балалаларының ең сүйікті мекені тау етегінде орналасқан Оқушылар сарайы. Талай уақыттың куәсі болған мекеменің қабырғасы сырға тұнып тұр. Бір кездері мемлекеттің басшысы болған Димаш Ахметұлы осынау алып ғимаратты тұрғызу үшін көп еңбек сіңіргені айтылып та, жазылып та жүр. Ұзақ жылдар республика балаларының бас қосатын ордасының қала меншігіне өткеніне де біраз уақыт болды. Содан бері қала мектептерінің оқушылары осында келіп, түрлі үйірмелерге қатысады.
Мәселен, «Hаppy English» сабағында оқушылар тек тiл үйренiп қана коймай, сонымен қатар оқу процесiне де қызығушылықпен қатысады. Балалар грамматика мен жана сөздер үйрене отырып, интерактивтi тапсырмалар арқылы ағылшын тiлдi елдердiн тарихымен, мәдениетiмен танысады. Олардың үнемі «Бiзбен бiрге оқу пайдалы ғана емес, әрі қызықты болады!» деп айтуы да сондықтан. Осы үйірменің тұрақты қатысушысы Анар Жұманиязова қазір ағылшын тілін еркін меңгеріп алған. Ол өз ойын еркін жеткізіп, әңгімелесе алады. Шет тілінде кітаптар оқып, кино көріп жүр. Ол жақында өзге замандастарына «bilimalmaty.kz сайтындагы "Hаppy English» багдарламасына косылыныз! деп тілек қалдырған.
Оқушылар сарайының «Ақ киіз» деп аталатын киіз ательесінің де жұмысы қызықты. Мәселен, киізден жасалған бұйымдар 50 жылдан астам қызмет етеді екен. Егер сіз «Ақ киіз» көркем киіз ательесінде киіз басудың сан түрлі әдістерін меңгеріп алсаңыз, ойыншықтар мен зергерлік бұйымдардан бастап, сәндік элементтерге дейінгі бірегей қолөнерді өзіңіз-ақ жасай аласыз. Бұған қоса, мұндағы сабақтар шығармашылық ойлауды, ұсақ моториканы және көркемдік қабылдауды дамытады. Қазірден бастап, балаңызды «Bilimalmaty.kz» сайтына тіркесеңіз болады.