Естімеген елде көп.
Қытайда ерекше мамандық иелеріне сұраныс артқан, деп хабарлайды aqshamnews.kz.
Олар - слипмейкерлер. Яғни, ағылшын тілінен тікелей аударғанда "ұйқы жасаушылар", яғни ұйықтатушылар.
Мұндай бірегей мамандық өмір сүру құнының артуына және өзге де әлеуметтік-экономикалық факторларға байланысты күллі әлемді жайлаған ұйқысыздық індетінен кейін пайда болған.
Слипмейкерлер ұйқысы қашқан адамдарды жанға жайлы әңгімелерімен ұйықтауға көмектеседі.
Айрықша мамандық иелері негізінен қарбалас әрі қым-қуыт тірліктен, күйзелістен және басқа да өмірлік қиындықтардың салдарынан ұйқысыздыққа ұшыраған жастарға қызмет көрсетеді. Тәжірибелі маман сағатына 260 юанға (қытайдың төл ақшасы) дейін табыс таба алатыны хабарланды. Сонымен қатар, олар онлайн және офлайн режимінде жұмыс істей алады. Сеанс клиент ұйқыға кеткенде аяқталады.