Әйелі мен балаларын күштеп қуып шыққан экс-әкімнің ағасы Марат Әйтеновтің үйінің иесі ретінде досы тіркелген.
Жоғарғы сот Марат Әйтеновтің бұрынғы әйелі Дана Әтешованың бұрынғы күйеуі бала-шағасымен сүйреп қуып шыққан үйді ерлі-зайыптының ортақ меншігі деп тану туралы өтінішін қарады, деп хабарлайды aqshamnews.kz
Дана Әтешованың сөзінше, үй иесі ретінде қазір Марат Әйтеновтің досы тіркелген, сондықтан бірнеше жыл бойы мүлікті бөлу еш нәтиже бермеген.
Әтешова үй неке кезінде ерлі-зайыптының ортақ қаражатына сатып алынғанын айтады. Алайда Астана қаласының азаматтық істер жөніндегі ауданаралық соты мен азаматтық істер жөніндегі сот алқасы бұл мәлімдемелерді мойындамады.
Жоғарғы соттың судьясы Қуанышбаева да істің барлық материалдарын зерделей келе, мүлік Марат Әйтенов пен Дана Әтешованың некесіне дейін алынғанын анықтап, Әтешованың өтінішін қараудан бас тартты.