Elmedia басылымы өзінің дереккөздеріне сүйеніп, Польшада ұсталған Қазақстан дипломатының есімі Әнуар. Б екенін жазды, деп хабарлайды aqshamnews.kz
Ол Қазақстанның Украинадағы елшілігінде әскери атташенің көмекшісі болып бір жарым жыл жұмыс істеген. Оның Украина аумағында ғана дипломатиялық иммунитеті болған. Польша күштік құрылымдарының оны өз аумағында ұстауына ешқандай кедергі болмаған.
11 тамызда Польша арнайы қызметі «тыңшылық жасады» деген күдікпен Қазақстанның Украинадағы елшілігінде әскери атташе көмекшісі болған адамды ұстағаны туралы ақпарат тараған.
30 шілдеде Польша билігі Быдгощ қаласында Орталық Азия елдерінің бірінің сыртқы барлау қызметінің офицері ұсталып, үш айға қамауға алынғаны туралы хабарлаған. Бірақ нақты қай елдің азаматы екені туралы айтылмаған.
Бұл жағдайға байланысты Қазақстанның ресми органдары әзірге ешқандай ақпарат таратқан жоқ.