Депутат Даулет Турлыхановтың ұлына қатысты сот шешімі өзгеріссіз қалды. Нұрасыл Болат жазасының қалған бөлігін (шамамен бір жылдан сәл асады) колонияда өтейді.
Ол кешкі уақытта үйде болып, белгіленген тәртіпке сәйкес уақытылы тіркеліп жүрсе, еркіндікте қалуға мүмкіндігі бар еді.
Еске салсақ, әлеуметтік желілер арқылы оның тыйымдарға қарамастан түрлі мекемелерге барғаны анықталды. Нұрасыл Болатқа қатысты іс ерлі-зайыпты заңгерлерді соққыға жыққаннан кейін қозғалған болатын.