Түрксіб ауданының сумен жабдықтау желілеріндегі ірі апатты жою бойынша жұмыстар аяқталды, деп хабарлайды Almaty-akshamy.kz.
Апаттық бригада қызметкерлері Рысқұлов даңғылы мен Герцен көшесінің қиылысында су құбырындағы зақымдарды жою бойынша жұмыстарды орындады.
Сағат 18.00-ден бастап аудан құбырлары бойынша су жіберіле бастады, құбырды толтыру және жүйенің қысымын реттеу жұмыстары жүргізілуде.
Алдағы бірнеше сағатта тұтынушыларға су толығымен беріледі.
Су толығымен тазарғанша үйдегі сантехникалық құрылғылар арқылы ағызып жіберіңіз.
«АЛМАТЫ СУ» АҚ