Халықаралық шахмат федерациясының (FIDE) Бас ассамблеясы түркітілдес елдердің Шахмат қауымдастығын құру туралы маңызды ұсынысты қолдады, деп хабарлайды aqshamnews.kz.
Бұл бастама Әзірбайжанның Шахмат федерациясы тарапынан ұсынылып, түркі елдері арасындағы шахмат саласындағы ынтымақтастықты нығайтуды мақсат етеді.
Қауымдастық түркітілдес елдер арасында шахмат мәдениетін дамыту, халықаралық аренада бірлескен жобаларды жүзеге асыру, шахматшылардың тәжірибе алмасуын күшейту сияқты көптеген бастамаларға жол ашады.
Бас ассамблеяда ұсыныс дауысқа салынып, бірауыздан қолдау тапты. Қауымдастық құрамына енген елдер:
• Әзірбайжан 🇦🇿
• Қазақстан 🇰🇿
• Түркия 🇹🇷
• Өзбекстан 🇺🇿
• Түрікменстан 🇹🇲
• Қырғызстан 🇰🇬
Алдағы уақытта жаңа ұйымның жарғысы мен ұйымдастыру құжаттары бекітіледі. Бұл қадам шахмат саласындағы ортақ күш-жігерді нығайтып, түркі әлемінің интеллектуалды әлеуетін арттыруға мүмкіндік береді.
Осы қауымдастық түркі елдерінің шахмат мәдениетін жаңа биіктерге көтереді.