Түркістандағы дәрігерлер төрт сантиметрлік шеге жұтып қойған бүлдіршіннің өмірін аман алып қалды, деп хабарлайды Aqshamnews.kz тілшісі.
Оқиға 27 қазанда тіркелген. Бір жасар бала шегені байқамай жұтып қойған. Салдарынан бөбек ауыр халде ауруханаға жеткізіліп, тұншығу қаупі туындаған.
Дәрігерлер шұғыл түрде ота жасап, баланың көмейінен бөгде затты алып тастады. Уақтылы көрсетілген медициналық көмектің арқасында бүлдіршіннің өмірі сақталды.