Түркияға жұмыс істеуге баратын қазақстандықтарға жеңілдік жасалады, деп хабарлайды aqshamnews.kz
Бұл жеңілдік түркітілдес елдердің азаматтарына да қатысты.
Түркияның түркітілдес шетелдіктердің жұмыс істеу тәртібі туралы заңына өзгерістер енгізілді. Енді бауырлас елдерден барған азаматтар жұмыс істеуге рұқсат алу үшін бұрынғыдай көп құжат жинамайды.
Сонымен қатар жекеменшік емес мемлекеттік секторда да жұмыс істеуге рұқсат беріледі. Ол үшін жұмыс істеуге барған адамда өзінің түркітілдес елдің азаматы екенін анықтайтын куәлік пен Түркияда уақытша тұруға мүмкіндік беретін жеке куәлігі болуы қажет.
Бұдан бөлек білімі мен мамандығын растайтын құжаттар да талап етіледі.