Түркия әлемдік нарықта неміс алпауыттарының бірінен саналатын Adidas фирмасына өзінің флагмандық аяқ киім үлгілері бірінің доңыз терісінен тігілгені туралы клиенттерге хабарламағаны үшін 15 000 доллардан асатын мөлшерде айыппұл салды.
Бұл жайында islam.kz порталы AFP ақпарат көзіне сілтеме жасай отырып мәлім етеді, деп хабарлайды ashamnews.kz
Түркиядағы тұтынушылар құқығын қорғауға бағытталған қаулыда қарастырылған талаптарға сәйкес жарнамада және өнімдердің сипаттамасында «қоғамда көпшілікті құрайтындардың діни сеніміне қайшы келетін материалдардың негізі нақты айтылуы тиіс» делінген. Ал аталмыш қаулыға немқұрайды қараған неміс фирмасы ақыры айыппұл арқалады. Осы орайда 2022 жылы Түркияның дін істері жөніндегі президиеумының киім мен аяқ киімді доңыз терісі мен қылынан жасауға тыйым салатын қаулы қабылдағанын айта кетпекпіз.