Түркі академиясы 34 әріптен тұратын бірыңғай түркі әліпбиінің келісілгенін хабарлады. Бұл шешім 2024 жылдың 9-11 қыркүйек аралығында Бакуде өткен ортақ түркі әліпбиін жасау жөніндегі комиссияның үшінші отырысында қабылданды.
Отырыста Түркі мемлекеттері ұйымына (ТМҰ) мүше елдердің өкілдері қатысты. Кездесудің басты мақсаты – алғаш рет 1991 жылы ғалымдар ұсынған латын әліпбиіне негізделген ортақ әліпби жобасын аяқтау болды.
«Комиссия ұсынылған әліпбиге келісті, ол 34 әріпті қамтиды. Әрбір әріп түркі тілдеріне тән әртүрлі дыбыстарды бейнелейді», – делінген мәлімдемеде.