Әділет министрлігі салынбаған жол үшін төленген 6 миллиард теңгені қайтарып алды
Халықаралық сауда палатасының Арбитраж соты Қазақстан Республикасы үкіметі мен түрік компаниясы F&A Road Construction арасындағы дауды қарастырды.
2021 жылы түрік компаниясы Қазақстанның Көлік министрлігінің Автомобиль жолдары комитетімен «Қүрті - Бурылбайтал» автожолын жасау туралы келісімшартқа қол қойған болатын. Мемлекеттік орган мердігерге 5,9 миллиард теңге көлемінде аванс төледі, бірақ белгісіз себептермен мердігер жұмысты бастамады.
Автомобиль жолдары комитеті төленген қаржыны өз бетінше қайтаруға тырысқанымен, келіссөздер нәтижесіз аяқталды. Осыдан кейін, үкіметтің тапсырмасы бойынша, Әділет министрлігі мердігерге қарсы арбитраждық іс қозғады.
White & Case LLP заңгерлік фирмасы бұл істі 280 мың долларға алып, Қазақстан үкіметінің атынан арбитражға жүгінді. Арбитраждық іс қарауға кететін жарна 85 мың долларды құрады.
Түрік серіктестері өз мүмкіндіктерін шынайы бағалап, дауды бейбіт жолмен шешуді ұсынды. Нәтижесінде, мердігер авансты қайтаруға, заңгерлердің қызмет ақысын төлеуге және арбитраждық шығындарды өтеуге міндеттеме алды.
Айта кету керек, дәл қазір осыған ұқсас үш іс бойынша келіссөздер жүріп жатыр. Бұл істерде де шетелдік кәсіпорындар Қазақстаннан аванс алып, міндеттемелерін орындамай, қаржыны қайтармаған.