Жаннат ШАРАПХАНҚЫЗЫ, Алматы қаласы, Жетісу аудандық аумақтық сайлау комиссиясының төрайымы:
Биылғы сайлау барысында Жетісу ауданы аумағында 105 мыңнан астам дауыс берушіге арналған 47 сайлау учаскесі бар. Дәл қазір осы сайлау учаскелерінде 275 байқаушы отыр. Олардың арасында тек өз елімізден ғана емес, халықаралық байқаушылар мен ОБСЕ өкілдері де бар. Олар сайлаудың әділ өтіп, келеңсіз оқиғалардың орын алмауын баса қадағалап отыр. Әзірге қандай да бір құқық бұзушылық орын алған жоқ.
Дауыс берушілердің көңіл-күйлері көтеріңкі. Таңның атысымен келушілердің саны көбейіп, тұрғындардың белсенділігі артқаны байқалады. Сайлау учаскелеріне келіп, өз таңдауларын жасап жатқан дауыс берушілердің қатарында ауданның қарт тұрғындарымен қатар, алғаш рет дауыс беріп жатқан жастарымыз да бар. Алғаш дауыс берген жастарға естелік сыйлықтар табыс етілді. Ерте келгендері де құр қол қайтып жатқан жоқ. Мұның өзі тұрғындарға мерекелік атмосфера сыйлап жатыр.