«Қазгидромет» РМК Қазақстанның 9 облысында 15 қазан күнгі ауа райына байланысты ескерту жариялады, деп хабарлайды aqshamnews.kz.
Жамбыл облысының солтүстігінде, оңтүстігінде, шығысында қатты жаңбыр, таулы аудандарында қар күтіледі. Күндіз облыстың солтүстігінде, оңтүстігінде найзағай ойнайды деп болжанып отыр. Түнде және таңертең облыстың батысында, солтүстігінде, таулы аудандарында тұман түседі.
15 қазанда Ұлытау облысының солтүстігінде, оңтүстігінде, шығысында көктайғақ болады. Түнде және таңертең облыстың батысында, солтүстігінде тұман.
Батыс Қазақстан облысының солтүстігінде, батысында тұман түседі.
Қарағанды облысының батысында, оңтүстігінде көктайғақ, облыстың солтүстігінде жолдарда көктайғақ күтіледі. Түнде және таңертең облыстың солтүстігінде, шығысында тұман. Жолдарда көктайғақ болуы мүмкін.
Қызылорда облысында түнде 1-3 градус үсік күтіледі.
Атырау облысының солтүстігінде, батысында, оңтүстігінде тұман күтіледі.
Түркістан облысының таулы аудандарында қатты жауын-шашын (жаңбыр, қар) күтіледі. Солтүстік-батыстан жел соғады, күндіз облыстың тау асуларында күші 15-20 м/с. Шымкентте 15 қазанда түнде және таңертең тұман тұмшалайтын болады.
Алматы облысының солтүстігінде, оңтүстігінде кей уақыттарда қатты жаңбыр жауады. Солтүстік-батыстан жел соғады, облыстың оңтүстігінде, таулы аудандарында жел екпіні 18-23 м/с жетеді.
Павлодар облысының солтүстігінде, шығысында тұман түседі.