Тоқаев Румыния Президентін құттықтады

Мемлекет басшысы Румыния Президентіне құттықтау жеделхатын жолдап, Румынияның ұлттық мерекесі – Бірігу күнімен құттықтады, деп хабарлайды aqshamnews.kz

Президент жеделхатында екі ел арасындағы саяси диалогтың, экономикалық және мәдени ынтымақтастықтың аясы кеңейіп келе жатқанын атап өтіп, сан қырлы ықпалдастық қос халықтың игілігі жолында нығая беретініне сенім білдірген.

Қасым-Жомарт Тоқаев Никушор Данның жауапты қызметіне толайым табыс, ал румын халқына құт-береке тіледі.