Жыл бойына 50 мың тоннадан астам қант қана өндіретіндігіміз белгілі болды
Қасым-Жомарт Тоқаев кәсіпкерлермен болған кездесуінде ішкі экономикалық жағдайларға да тоқтала кетті, деп хабарлайды Almaty-akshamy.kz Zakon.kz-ке сілтеме жасап.
«Өкінішке қарай, 30 жыл бойына біз өзімізді негізгі деген басты материалдармен қамтамасыз ете алмай келеміз. Атап айтқанда, битум, құбырлар, әйнек-шыны және басқа да құрылыс материалдары. Жақында қант дағдарысы орын алды. Еліміздің жыл бойындағы қантқа деген сұранысы 550 мың тоннаны құрайды, ал біз болсақ, жыл бойына 50 мың тоннадан астам қант қана өндіретіндігіміз белгілі болып отыр. Яғни, шамамен 10% ғана. Мұны сөз қылудың өзі ыңғайсыз», - деді Қасым-Жомарт Тоқаев.
Мемлекет басшысы кәсіпкерлерді жоғары технологиялық өндірістерге және кәсіпорындарды жаңғыртуға инвестиция салуға шақырды.