Қасым-Жомарт Тоқаев Франция Президентімен кездесу өткізді
Қасым-Жомарт Тоқаев Эмманюэль Макронмен екіжақты ынтымақтастықтың жай-күйін талқылады, - деп хабарлайды Aqshamnews.kz.
Мемлекет басшысы Франция еліміздің Еуропа Одағындағы басты әрі сенімді серіктесі саналатынын атап өтті.
Президенттер осыған дейін жоғары деңгейде қол жеткізілген уағдаластықтар түрлі салада, соның ішінде энергетика, көлік-логистика, ауыл шаруашылығы, денсаулық сақтау бағыттарында айтарлықтай табысты іске асырылып жатқанына тоқталды.
Мәдени-гуманитарлық байланыстар жемісті дамып келеді.
Қазақстан мен Франция президенттері өзекті геосаяси мәселелер жөнінде пікір алмасты.
Cонымен қатар, Мемлекет басшысы Финляндия Президентімен келіссөз жүргізді.
Қасым-Жомарт Тоқаев пен Финляндия Президенті Александр Стубб екіжақты және халықаралық күн тәртібіндегі мәселелерді талқылады.
Сурет: Akorda.kz
Қазақстан Президенті жоғары деңгейдегі жемісті саяси диалог екі ел арасындағы ынтымақтастықты арттыруда маңызды рөл атқаратынына тоқталды.
Осы орайда Қасым-Жомарт Тоқаев Финляндия басшысының Қазақстанға жасайтын алдағы сапары қос елдің сауда-экономикалық, инвестициялық және гуманитарлық әлеуетін танытуға ықпал ететініне сенімді екенін айтты.
Кездесуде әлемдегі қазіргі геосаяси ахуалға баса мән берілді.