ТЖМ қызметкерлері батылдық, рух пен кәсібилік құтқарушылардың ажырамас қасиеттері екенін тағы да дәлелдеді.
Индонезияның Джакарта қаласында өткен "GAMMA" ММА әлем чемпионатында біздің құтқарушылар Ерназ Мұсабек, Мансур Шахгереев және Сайран Сағындықов алтын медальды, күміс медальды иеленіп, Әділ Сұлтанбеков қола жүлдегер атанды, деп хабарлайды aqshamnews.kz.
Сонымен қатар, ТЖМ баспасөз қызметінің мәліметінше, біздің үш спортшымыз Қазақстан Республикасының еңбек сіңірген спорт шеберінің нормативтерін орындады.
"Әлем чемпионатында еліміз бен ТЖМ намысын қорғау мен үшін үлкен мәртебе. Бүгінгі жетістігіміз ең алдымен, біздің министріміз генерал-майор Шыңғыс Әріновтың қолдауының нәтижесі. Құтқарушының жұмысы бізден тек күш пен мықтылықты ғана емес, сонымен қатар ақыл — ой мен төзімділікті талап етеді. Біз, құтқарушылар, күн сайын қызметте де, спорттық аренада да күш пен рухтың шегі жоқ екенін дәлелдедік",-деді Ерназ Мұсабек.
Бұл спорттағы жоғары жетістік Қазақстан азаматтарының қауіпсіздігін қамтамасыз етіп жүрген құтқарушылардың кәсібилігі мен рухының күшін көрсетеді.